Fyrri mynd
Næsta mynd

Hafa samband

Skilaboð
Nafn
Fyrirtæki / Félag
Email
Sími
Hafa samband með
email      síma

Notast er við proxy (staðgengilsþjónn) til að tengjast Internetinu

SMALI xL 2 byggist á gagnvirku viðmóti. Því skiptir það öllu að notendur hafi beina tengingu við kerfið. Í sumum tilfellum getur Proxy valdið því að upplýsingar á valmyndum SMALA xL 2 eru ekki þær réttu - heldur upplýsingar úr eldri aðgerðum - jafnvel upplýsingar sem birtust hjá öðrum notendum í gegnum sama proxy! Því skiptir það miklu máli að sleppa því að nota proxy til að tengjast Internetinu. Í sumum tilfellum eru proxy þjónar stilltir þannig að þeir gera greinamun á gagnvirkum síðum og venjulegum.

Hvað er proxy?

Proxy er í raun þjónusta sem Internetþjónustuaðili (ISP) býður upp á. Proxy býður upp á meiri hraða á vinsælu efni (s.s. fréttasíðum eins og mbl.is). Proxy tekur í raun afrit af efninu sem notandinn er að skoða/sækja og hýsir það ef annar notandi skyldi vilja skoða sama efni. Þetta þýðir að hraðinn verður meiri því ekki þarf að sækja efnið af netþjóninum í hvert sinn. En sá ókostur fylgir að notandinn hefur litla sem enga tryggingu fyrir því að að efnið sé það nýjasta. Það er að vísu mismunandi eftir proxy-þjónum. Almenna reglan er sú að ef notandinn þarf að stóla á upplýsingarnar sem hann er að vinna með þá á viðkomandi ekki að nota proxy.

Hvernig á að sleppa því að nota proxy?

Að sleppa því að nota proxy er mismunandi eftir vafra. Flestir vafrar eru með ítarlegan hjálpartexta en því miður er hann í flestum tilfellum á ensku. Til þess að finna út hvernig skuli sleppa proxy í viðkomandi vafra er best að að nýta sér leit sem er oftast innbyggð í hjálpartextanum og slá inn orðið proxy. Athugið að í sumum tilfellum er ekki hægt að stjórna því hvort proxy sé í notkun eða ekki. Því er best að hafa samband við Internetþjónustuaðilann ef grunur leikur á því að proxy sé að valda vandræðum.

Proxy SettingsLeiðbeiningar til þess að sleppa því að nota proxy í Internet Explorer 6
Smelltu á Tools í vafranum og veldu þar af valmyndinni Internet Options. Nýr gluggi opnast og þar skalt þú velja flipann Connections. Á þeirri valmynd sem þar opnast skalt þú velja þá Internettengingu sem þú notast við. Þegar hún er valin skalt þú smella á hnappinn Settings. Þar skalt þú taka af hakið við Use a proxy server for this connection. (Smelltu á myndina hér til hliðar til þess að stækka hana.) Smelltu svo á Ok tvisvar. Í mörgum tilfellum þarf að slíta Internetsambandinu og tengjast svo aftur til þess að breytingarnar virki.