Fyrri mynd
Næsta mynd

Hafa samband

Skilaboð
Nafn
Fyrirtæki / Félag
Email
Sími
Hafa samband með
email      síma

Myndir/skjöl (gagnabanki)

Velja þarf möppu til þess að allir möguleikar sem taldir eru upp hér að neðan komi í ljós. Myndir/skjöl er gagnabanki sem heldur utan um myndir og skjöl sem vistuð er á vefþjóninn í gegnum SMALA xL 2. Hér eftir er talað um "Myndir/skjöl" sem gagnabanka.

Möpputré

Hér má sjá allar þær möppur sem þú hefur aðgang að. Ef þú ert kerfisstjóri þá sérðu allar möppurnar í kerfinu. Smelltu á möppuna til þess að velja hana. Ef mappan hefur plús tákn fyrir framan sig þá inniheldur hún undirmöppur. Undirmöppurnar birtast ef þú smellir á þetta plús tákn. Þú felur undirmöppurnar með því að smella á mínus táknið sem kemur í staðinn.

Óháðar undirmöppur
Möppurnar sem birtast hér undir, ef óháðar möppur birtast yfirleitt, eru möppur sem þú hefur aðgang að og eru staðsettar í öðrum möppum en þeim sem þú hefur ekki aðgang að.

Heiti og númer möppu

Hvíti textinn fyrir ofan hnappinn "Ný mappa" sýnir heiti þeirrar möppu sem er valin. Hægra megin í sömu línu kemur númer möppunnar. Hver mappa hefur sitt einstaka númer sem hægt er að nýta til dæmis við forritun og fleira.

Ný mappa

Hér smellir þú til þess að búa til nýja möppu. Mappan er búin til í rótinni eða þeirri möppu sem er valin. Ef ný mappa er búin til í annarri möppu þá erfir nýja mappan aðgangsupplýsingar og stillingar þeirrar möppu (móður). Hins vegar, ef mappan er búin til í rótinni þá hefur enginn aðgang að möppunni nema kerfisstjórar. Til þess að veita öðrum aðgang að möppunni skaltu smella á hnappinn "Aðgangur" þar sem viðkomandi mappa er valin. Þar getur þú skilgreint aðgang notendagrúppna sem og notenda sérstaklega að þeirri möppu.

Breyta möppu

Smelltu hér til þess að breyta heiti, lýsingu og eiginleikum möppunnar sem er valin.

Afrita möppu

Til þess að taka afrit af möppunni. Athugið að gögn og myndir möppunnar sem verið er að taka afrit af afritast ekki með, né aðrar undirmöppur. Hér er í raun og veru verið að búa til nýja möppu með eiginleikum annarrar möppu (þeirrar sem verið er að taka afrit af). Aðgangsréttindi eru einnig afrituð - það er nýja mappan (afritið) veitir sömu aðilum aðgang að sér og mappan sem tekið er afrit af (frumritið).

Aðgangur

Hér stillir þú aðgang notendagrúppna og notenda að þeirri möppu sem er valin. Athugið að þessi aðgangsréttindi ná einungis til þessarar möppu en ekki undirmappa.

Athugið!
Mjög mikilvægt er að gera sér grein fyrir að þessi aðgangsstýring að möppum nær einungis yfir möppurnar sjálfar, eiginleika þeirra og möguleika til þess að vista eða eyða gögnum í gegnum SMALA xL 2. Þetta kemur ekki í veg fyrir að almennir Internetnotendur geti skoðað eða niðurhalað gögnum sem vistuð eru á netþjóninum hjá þér, sé hann almennt aðgengilegur almenningi. Samt sem áður geta hvorki almennir Internetnotendur né aðrir notendur SMALA xL 2 breytt eða eytt gögnunum.

Finna

Hér getur þú leitað að gögnum (til dæmis myndum eða hljóðskrám) eftir leitarorði. Ekki er leitað í efni sjálfra skránna heldur einungis í nafni og lýsingu þeirra í gagnabankanum.

Innihald möppu

Upplýsingar
Almennar upplýsingar um tilgang eða innhald möppurnar ásamt stærð hennar, takmörkunum og þess háttar.

Birtingarform: Sýnishorn eða listi
Hér velur þú hvort þú viljir sjá innihald möppunnar sem sýnishorn eða einföldan lista. Sýnishornið hentar vel ef myndir eru í þessari möppu. Listi hentar vel þegar ýmiskonar skjöl eru í möppunni. Til þess að breyta uppröðun skjala í möppunni þá þarf að vera merkt við lista.

Samstilla
Hér getur þú samstillt möppuna við raunverulegt innihald hennar á netþjóninum. Þetta getur verið nytsamlegt ef margar skrár eru vistaðar í möppuna í gegnum FTP. Með þessari aðgerð finnur kerfið allar skrár í þessari umræddu möppu og skráir þær í gagnabankann.

Vista skrá
Smelltu hér til þess að upphala nýrri skrá í þessa möppu. Ný valmynd birtist.

Sýnishorn
Ef um er að ræða "Internet-myndir" þá birtast hér sýnishorn af þeim - stór sýnishorn ef birtingarformið "Sýnishorn" hefur verið valið. Lítið sýnishorn ef "Listi" er valinn. Ef þetta er ekki mynd þá birtist táknmynd í staðinn sem stendur fyrir tegund skráarinnar.

Stærð
Stærð skjalsins á vefþjóninum. Ef um þjappaða mynd er um að ræða þá er stærð hennar mun meiri í minni tölvunnar þegar hún er skoðuð eða þegar unnið er með hana (sérstaklega á þetta um JPEG og PNG myndir).

Tegund
Tegund skjalsins.

Dagsetning
Dagsetning skjalsins þegar það var vistað í gagnabanka SMALA xL 2 eða þegar það var upphaflega búið til. Hægt er að stilla þessa dagsetningu handvirkt þegar skjalið er uppfært eða sett inn í fyrsta sinn.

Bláar örvar
Hér getur þú breytt uppröðun skjalanna innan þessarar möppu. Smelltu á örina niður til þess að færa skjalið niður og á örina upp ef þú vilt færa skjalið upp.

Ruslakarfa
Eyðir skránni úr gagnabankanum og af vefþjóninum. Þú þarft að staðfesta hvort þú viljir eyða þessari skrá áður en skránni er eytt. Ef þú eyðir skrá sem vísað er í á heimasíðunni þinni eða öðrum heimasíðum þá verður sú tilvísun (linkur) óvirk.

Stækkunargler
Til þess að skoða skrá í nýjum glugga. Í sumum tilfellum þarftu fyrst að niðurhala skránni áður en þú getur skoðað eða hlustað á hana.