Fyrri mynd
Næsta mynd

Hafa samband

Skilaboð
Nafn
Fyrirtæki / Félag
Email
Sími
Hafa samband með
email      síma

Vefir

Velja þarf síðu til þess að allir möguleikar sem taldir eru upp hér að neðan komi í ljós.

Vefir

Fellivalmynd efst í vinstra horni. Hér getur þú valið hvaða vef þú vilt vinna með.

Veftré

Hér má sjá allar þær síður sem þú hefur aðgang að. Ef þú ert kerfisstjóri þá sérðu allar síðunar á öllum vefum í kerfinu. Smelltu á síðuna til þess að velja hana. Ef síðan hefur plús tákn fyrir framan sig þá inniheldur hún undirsíður. Undirsíðurnar birtast ef þú smellir á þetta plús tákn. Þú felur undirsíðurnar með því að smella á mínus táknið sem kemur í staðinn.

Óháðar undirsíður
Síðurnar sem birtast hér undir, ef þetta birtist yfirleitt, eru síður sem þú hefur aðgang að og eru staðsettar undir öðrum síðum sem þú hefur ekki aðgang að.

Heiti og númer síðu

Hvíti textinn fyrir ofan hnappinn "Ný síða" sýnir heiti þeirrar síðu sem er valin. Hægra megin í sömu línu kemur númer síðunnar. Hver síða hefur sitt einstaka númer sem hægt er að nýta til dæmis við forritun og fleira.

Ný síða

Hér smellir þú til þess að búa til nýja síðu. Síðan er búin til í rótinni eða undir þeirri síðu sem er valin. Ef ný síða er búin til undir annarri síðu þá erfir nýja síðan aðgangsupplýsingar, innihald og stillingar þeirrar síðu (móður). Hins vegar, ef síðan er búin til í rótinni þá hefur enginn aðgang að síðunni nema innskráðir kerfisstjórar SMALA xL 2. Til þess að veita öðrum aðgang að síðunni skaltu smella á hnappinn "Aðgangur" með þá síðu valdna. Þar getur þú skilgreint aðgang notendagrúppna og notenda að þessari síðu.

Aðgangur

Hér stillir þú aðgang notendagrúppna og notenda að þeirri síðu sem er valin. Athugið að þessi aðgangsréttindi ná einungis til þessarar síðu en ekki undirsíðna. Til þess að síðan verði aðgengileg óinnskráðum gestum í gegnum lén vefsins þá verður að skilgreina það hér sérstaklega með því að leyfa "öllum" að skoða hana.

Afrita

Til þess að taka afrit af síðunni. Athugið að undirsíður afritast ekki með. Hér er í raun og veru verið að búa til nýja síðu með eiginleikum og innihaldi annarri síðu (sem verið er að taka afrit af). Aðgangsréttindi eru einnig afrituð, það er nýja síðan (afritið) veitir sömu aðilum aðgang að sér og síðan sem tekið er afrit af (frumritið).

Upp

Smelltu hér ef þú vilt færa síðuna upp í veftrénu. Athugaðu að síðan færist einungis upp fyrir síður sem eru með sömu móðursíðu (eða rót).

Niður

Smelltu hér ef þú vilt færa síðuna niður í veftrénu. Athugaðu að síðan færist einungis niður fyrir síður sem eru með sömu móðursíðu (eða rót).

Finna

Hér getur þú leitað að síðum eftir leitarorði.

Viðmótsstillingar

Hér getur þú merkt við hvaða viðmót birtist þegar þú velur síður í veftrénu.

Sýnishorn
Hérna sérðu þú sýnishorn af síðunni eins og hún lítur út í vafrara gagnvart almenningi eða þeirra sem hafa heimild til þess að skoða síðuna. Ef síðan er lokuð almenningi þá þarf að innskrá sig sérstaklega fyrir sýnishornið þar sem að innskráning í SMALA xL kerfið er ekki sameiginleg heimasíðunni.

Rithamur
Hér getur þú breytt innihaldi síðunnar.

Stillingar
Hér stillir þú útlit síðunnar, virkni og tengsl við aðrar kerfisgrúppur eins og fréttir, skoðanir og myndasafn svo eitthvað sé nefnt.

Notkun
Hér getur þú séð hversu oft síðan hefur verið skoðuð í gegnum innbyggðan teljara. Ef þú ert með teljaragrúppu (teljara) tengda við þessa vefgrúppu (vef) þá sérðu mun ítarlegri greiningu.

Ekkert
Það getur verið heppilegt að vera með ekkert sýnishorn eða annað slíkt til þess að flýta fyrir, til dæmis ef um lítinn nethraða er að ræða.

Endurhlaða sýnishorn

Smelltu hér til þess að endurhlaða sýnishornið ef þú ert með síðuna birta sem slíka. Þetta getur verið nauðsynlegt ef síðunni hefur verið breytt í öðrum glugga eða hjá öðrum notenda kerfisins. 

Opna ritham í öðrum glugga

Hafðu merkt við þetta ef þú vilt breyta síðunni í öðrum glugga í hvert sinn sem þú smellir á hnappinn "Breyta". Það getur verið þægilegt að vinna í síðunni í öðrum glugga ef skjáplássið er lítið, til dæmis vegna lágrar skjáupplausnar.