Nú er lokið nýrri heimasíðu fyrir Hafnasamlag Norðurlands. Heimasíðan er kóðuð í HTML5 og CSS3 í "Responsive layout" sem þýðir að hún aðlagast mismunandi skjástærðum.
Sérstaklega var forritað í kringum heimsóknir skemmtiferðaskipa en núna er "sjálfvirkt" kerfi þar sem sjást heimsóknir allra skipanna á mismunandi vegu. Hægt er að sjá komu- og brottfaratíma, ásamt upplýsingum um fjölda farþega og áhafnar. Einnig er hægt að sjá stærðir skipa og sjá staðsetningu þeirra hverju sinni.
Einnig er hægt að fylgjast með videómyndavélum sem eru staðsettar víðsvegar um hafnasvæðin, sem og gangvirkt upplýsingakort af bryggjum. Eins eru veðurupplýsingar í rauntíma beint frá mæli á Oddeyrarbryggju.
Heimasíðuna er hægt að skoða á www.port.is.